النتائج 1 إلى 3 من 3

  1. #1
    Super Moderator
    الصورة الرمزية Noura
    رقم العضوية : 5842
    المشاركات : 8,793
    التقييم : 15 Array
    الدولة : القاهرة
    *
    معدل تقييم المستوى
    93

    افتراضي كل ما تهل البشاير من يناير كل عام ( احمد فؤاد نجم )

    كل ما تهل البشاير
    من يناير كل عام
    يدخل النور الزنازن
    يطرد الخوف
    ... والظلام
    يا نسيم السجن ميل
    ع الشجر وارمي السلام
    زهر النوار
    وعشش فى الزنازين .. الحمام
    من سكون السجن
    صوتي
    نبض قلبي
    من تابوتي
    بيقولولك يا حبيبتي
    كلمتي
    من بطن حوتي
    سلمى لي ع الحبايب
    يا حبيبتي
    سلمى لي
    كل حب
    وله نصيبه من سلامي
    بلغي لي
    احضنى العالم عشاني
    بين عيونك
    وابعتى لي
    نظره
    منها اشوف حبايبي
    واشفي قلبي
    واساليلي
    كل عالم فى بلدنا
    كل برج وكل مادنة
    كل صاحب من صحابنا
    كل عيل من ولادنا
    حد فيهم شاف علامه
    من علامات القيامه
    قبل ما تهل البشاير
    يوم تمنتاشر يناير
    لما قامت مصر قومه
    بعد ما ظنوها
    نومه
    تلعن الجوع والمذله
    والمظالم
    والحكومه ؟
    سلمى لي ع الولاد السمر
    خضر العمر
    فى عموم الحواري
    سلمي لي ع البنات
    المخطوبين فى المهد
    لسرير الجواري
    واساليلي بالعتاب
    كل قاري فى الكتاب
    حد فيهم
    كان يصدق
    بعد جهل
    بعد موت
    ان حس الشعب يسبق
    واي صوت
    هى دي مصر العظيمه
    ياحبيبتي
    هى مصر
    اللي فضلتى ف هواها
    عشنا
    على الف قصر
    هى دي يا عزة
    مصر
    هى دي يا عزة
    مصر


    توقيع Noura

    "إن الثورة تعبر عن ضمير الأمة الذي انتفض، وليست مرتبطة بشخص، وفي حين أن كل الأشخاص إلى زوال، فإن الثورة ستستمر مادام ضمير الأمة حياً."

    د. محمد البرادعي

  2.  

  3. #2
    Super Moderator
    الصورة الرمزية رانيا نور الدين
    رقم العضوية : 3992
    المشاركات : 5,048
    التقييم : 81 Array
    الدولة : مصر _القاهرة
    *
    معدل تقييم المستوى
    56

    افتراضي رد: كل ما تهل البشاير من يناير كل عام ( احمد فؤاد نجم )

    جميلة اوي يانورا الكلمات
    انتقاء موفق جداا واحنا في الظروف دي
    تسلمي يا نورا

    توقيع رانيا نور الدين



    استودعكم الله الذي لاتضيع ودائعه




  4.  

  5. #3
    Super Moderator
    الصورة الرمزية Noura
    رقم العضوية : 5842
    المشاركات : 8,793
    التقييم : 15 Array
    الدولة : القاهرة
    *
    معدل تقييم المستوى
    93

    افتراضي رد: كل ما تهل البشاير من يناير كل عام ( احمد فؤاد نجم )

    اقتباس المشاركة الأصلية كتبت بواسطة رانيا نور الدين مشاهدة المشاركة
    جميلة اوي يانورا الكلمات
    انتقاء موفق جداا واحنا في الظروف دي
    تسلمي يا نورا
    تسلمى يا رانيا على ردك وذوقك
    وربنا ينصر ثورتنا
    دعواتك للاحرار يا ام عبد الله


  6.  

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. احداث ماسبيرو ( أحمد فؤاد نجم )
    بواسطة Noura في المنتدى واحـــة الــشــعر
    مشاركات: 0
    آخر مشاركة: 10-18-2011, 02:51 PM
  2. مشاركات: 0
    آخر مشاركة: 12-20-2008, 05:24 AM

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •