وعايزنا نرجع زي زمان؟؟؟!!!
صفحة 1 من 3 123 الأخيرةالأخيرة
النتائج 1 إلى 50 من 135

الموضوع: وعايزنا نرجع زي زمان؟؟؟!!!

  1. #1
    عضو سابق
    تاريخ التسجيل
    Jul 2010
    الدولة
    مصر عادت شمسك الذهب
    المشاركات
    11,906
    معدل تقييم المستوى
    0

    إضاءة وعايزنا نرجع زي زمان؟؟؟!!!

    وعايزنا نرجع زي زمان؟
    قول للزمان ارجع يا زمان

    الله عليك يا ست ثومه


    يا سلام على زمان وايام زمان
    لماذا نشعر دوما بالحنين للماضى؟!!
    كنت اشاهد مسرحية من مسرحيات زمان
    كنت مستمتعه جدا بالمشاهدة
    وفجأة تبادر لذهنى هذا السؤال ؟
    لماذا اعشق الماضي؟
    بذكرياته الجميله؟
    بأحداثه وذكرياته؟؟
    افراحه وحتى احزانه والامه
    لماذا انا متعلقه بأيام زمان؟؟
    حتى تليفزيون زمان واعلام زمان!!!!
    وبرامج زمان وافلام زمان
    ومسلسلات زمان
    رجعت بذاكرتى لأيام زمان
    وبرامج التليفزيون
    وأنا مع عائلتى واخواتى
    وأخذت اتذكر ايام طفولتى
    وبرامجى المفضلة
    ماما نجوى وبقلظ
    عروستى وماما سامية شرابي
    سينما الاطفال يوم الجمعه الصبح
    الساعه 10ماما عفاف الهلاوي
    والكلبة لاسي
    تليماتش،
    بابا ماجد ومنى عبدالمقصود
    واليس في بلاد العجائب وبنى بانى
    كرتون زمان جريندايزر ومازنجر
    اغانى الاطفال الجميله
    التى لازلت احفظها وارددها لبنات اخى هههه
    سوسه كف عروسه وكوكو واوا كوكو واوا
    برامج التليفزيون الجميله التى لا زلت اتذكرها
    واتوق لها ولمشاهدتها
    عالم الحيوان
    بصوت الرائع الرصين محمود سلطان
    وجوله الكاميرا وهند ابو السعود
    وجملتها الشهيره التى لا زلت اتذكرها واحبها
    سبحان الرحمن
    ونافذه على العالم،والكاميرا الخفية
    وسلوكيات ملك اسماعيل ومجله التليفزيون مع عفاف عبدالرازق وزووم وسلمى الشماع
    والعلم والايمان كل يوم ثلاثاء
    والعالم الجليل مصطفى محمود
    واخترنا لك وفريال صالح بقعدتها الشهيره
    اوسكار كل يوم خميس وثناء منصور
    ونطقها الجميله لكلمة ( فيلم film) ،
    نادي السينما كل يوم سبت ووقار دريه شرف الدين
    ومقدمته ونهايته الموسيقية الشهيره
    والفيلم الاسبوعى الذي كنا ننتظره من اسبوع لاخر!!
    وكأننا ننتظر وجبه فنيه دسمه ننهل منها طوال الاسبوع
    واحترام دريه شرف الدين برصانتها ووقارها
    المفروض على الجميع
    تاكسي السهرة،سينما نعم وسينما لا،اغانى الافلام واحلام شلبي،حديث الشيخ الشعراوى كل يوم جمعه وكل يوم في رمضان وموسيقى المقدمة والنهاية الجميله وحديث الروح،
    وحكاوى القهاوى وسامية الاتربي على القناه الثانية بملابسها وعباءتها المميزة ،
    نجوى ابراهيم
    وتلقائيتها الجميله في فكر ثوان واكسب دقائق
    كان التليفزيون قناتين فقط الاولى والتانية
    ومع ذلك كان اكثر تميزا وجمالا وكنا اكثر اقبالا عليه من الان بالرغم ممن زخم وتخمة القنوات الفضائية قنوات مسلسلات وقنوات افلام وقنوات رياضه وقنوات افلام اجنبي الاف القنوات ولكن لم نعد نتابع مثل ايام زمان

    زمان كان مسلسل واحد الساعه السابعه وربع والعيله ملتفه حوله وساعات على القناه التانية مسسل اخر والقناه الثانية كانت معظمها افلام ومسلسلات اجنبي
    من يستطيع ان ينسى
    فالكون كريست ونوتسلاندج
    وتشيس وانجيلا والجذور
    اعلانات زمان كانت احلى واجمل و زلنا نتذكرها وحافظيناها خصوصا اعلانات طارق نور (محمود ايه ده يا محمود) ،شيكبون والشمعدان واعلانات حسن عابدين السر شويبس هههههههههه ولا اعلانات تنظيم الاسره وحسنين ومحمدين وكريمة محتار ومحلول معالجه الجفاف هههههه
    وفي رمضان التنويه الجميل (المسلسل امتى؟ حاااالا)
    فوازير نيللى عروستى والخاطبة وفوازير فطوطة وشريهان والف ليله وليه ،

    مسلسلات زمان الجميله ليالى الحلمية والشهد والدموع وابوالعلا البشري وانا وانت وبابا في المشمش وليله القبض على فاطمة و....مسلسلات اسامه انور عكاشة المميزة ارابيسك والرايه البيضا التى كانت تعالج القضايا المعاصرة والواقع الاجتماعى ناقلا لنا صورة صادقة للمجتمع المصري بأشخاصه وأحداثه وانعكاسات الواقع السياسي على المصريين
    مسلسلات لن تتكرر !!
    مسرحيات زمان مدرسة المشاغبين والعيال كبرت وريا وسكينة وانها حقا عائله محترمه وفؤاد المهندس وشويكار وعبدالمنعم مدبولى
    افلام زمان الجميله الابيض والاسود اسماعيل ياسين والنابلسي وزينات صدقى و...
    وأغانى زمان الجميله ثومه وحليم وعبدالوهاب وفريد الاطرش و.....

    والاذاعة والراديو
    ببرامجه الرائعه وصوت صفية المهندس في ربات البيوت وفؤاد المهندس في كلمتين وبس كل يوم الساعه 8 الا خمسه وقطرات الندى وزياره لمكتبة فلان وصوت ايناس جوهر الرائع في تساااااالى وشبيك لبيك وثناء منصور وعمو حسن في فانستيكا وسميره عبدالعزيز وقال الفيسلوف وابله فضيله بصوت المميز وحبايبى الحلوين وفاروق شوشة ولغتنا الجميله
    ويا سلام على ما يطلبه المستمعون
    وتحب تسمع ايه؟
    وعلى الناصية وامال فهمى
    ونادية صالح وزياره لمكتبة فلان
    وفي رمضان مسلسلات
    الاذاعه الجميلة على
    اذاعه الشرق الاوسط
    ساعه الافطار وايناس جوهر
    وبرنامج همسه عتاب على البرنامج العام وفوت علينا بكره يا سيد
    وخمسه لقلبك ووووو
    حاجات كثير اوى



    كانت أيام زمان جميله ورائعه
    أشتاق لها واحن لها
    لا ادري لماذا؟
    لماذا الماضى اكثر جاذبية واكثر تأثيرا في وجداننا وقلوبنا وعقولنا!!
    هل لأنه حدث وساهم في تكويننا؟
    الان قلما اتابع مسلسل وكأننى أخشي المجازفه والمغامره بتجربه
    لا ادري نتيجتها!!!
    وأفضل أن اشاهد مسلسل من مسلسلات زمان شاهدته مرارا ولكن أشعر عندما اشاهده اننى استعيد الماضي وذكرياتى مع اخواتى واشاهده وكأننى اشاهدة لأول مره فأتابعه بحماس وحب وكأنها المره الاولى!!

    البعض ربما يري ذلك خبلا هههه أو هروباً من الواقع والحاضر
    ولكننى استمتع بذلك بذكريات الماضي العذبة الجميله
    حتى العاب زمان وصداقات زمان
    وجيران زمان وجواديت زمان و.و.و

    وانتم ماذا يمثل لكم الماضي بذكرياته؟؟؟

    هل تعيشون حنينا للماضي مثلى؟؟؟

    شاركونى
    تحياتى ومحبتى


    التعديل الأخير تم بواسطة Sunbird ; 03-24-2011 الساعة 11:37 PM

  2. #2
    عضو فضي الصورة الرمزية Mo.Eb
    تاريخ التسجيل
    Feb 2009
    الدولة
    216NE
    المشاركات
    4,565
    معدل تقييم المستوى
    51

    ممتاز رد: وعايزنا نرجع زي زمان؟؟؟!!!


    الماضي هو ميراثي الوحيد في هذه الحياه

    وكما يقولون من ليس له ماضي لا يمكن أن يكون له حاضر

    كل يوم في الماضي هو أجمل من اليوم الحاضر ومن المستقبل

    هذه قاعدة ، أعتمد عليها دائما ،

    قال رسول الله صلي الله عليه وسلم

    " إن خير الأزمان هو زمني ثم اللذي يليه ثم الذي يليه "

    صدق رسول الله

    شكـرا لكي دينـا

    وموضوع جميل

  3. #3
    عضو فضي
    تاريخ التسجيل
    Jul 2010
    المشاركات
    4,547
    معدل تقييم المستوى
    50

    افتراضي رد: وعايزنا نرجع زي زمان؟؟؟!!!




    محمدين ومعروف مين حسانين دا واحد قريبى ماعرفوش ولا اية

  4. #4
    عضو سابق
    تاريخ التسجيل
    Jul 2010
    الدولة
    مصر عادت شمسك الذهب
    المشاركات
    11,906
    معدل تقييم المستوى
    0

    افتراضي رد: وعايزنا نرجع زي زمان؟؟؟!!!

    حسنين ومحمدين كان اعلان تنظيم اسره
    ملوش علاقه بيك ههههههههه

  5. #5
    عضو برونزي الصورة الرمزية مجدى تركى
    تاريخ التسجيل
    Sep 2010
    المشاركات
    1,942
    معدل تقييم المستوى
    23

    افتراضي رد: وعايزنا نرجع زي زمان؟؟؟!!!

    ايه ده يادينا طب انتى سبتى لى ايه أقوله
    زمان من يشترى ايامى القادمة ويعطينى يوما من الماضى
    الحنين الى الماضى ليس لأنه بل لأننا كنا بعيدين عن المسئوليات مايشغلنا فقط اللهو والمرح لا نحمل هما لغدنا
    للأسف الشديد الحنين الى الماضى عند الكثير منا يضيع بهجة الحاضر
    انذكر ماضينا الذى يملؤه وجه واحد كدر عيشنا 30 عاما وننسى حاضرنا الذى صنعناه بأنفسنا
    ولكن تظل للماضى اشجان فى نفوسنا أتذكركابتن ماجد ومباريات كرة القدم يوم الجمعة بعد العصر
    نتذكر دورات كرة القدم فى الشوارع قبلالأفطار فى رمضان ومن بعد التراويح الى ماقبل السحور
    أتذكرعمو فؤاد وجدو عبده
    كفاية يادينا رجعتينا لزمان عندما كان الأنسان منا انسان
    ياشعب ياواقف على باب النهار
    قربت بصمودك طريق الأنتصار
    وزرعت من تانى الأمل فى كل دار
    واتجمعت كل الأيادى
    من كل بيت طلعت تنادى
    على الطريق وتقول
    بلادى بلادى بلادى



    [

  6. #6
    عضو فضي الصورة الرمزية Me3mary
    تاريخ التسجيل
    Jun 2010
    المشاركات
    3,142
    معدل تقييم المستوى
    36

    افتراضي رد: وعايزنا نرجع زي زمان؟؟؟!!!


    هههههههههاااا - والله أنتى يا دينااااا مشكلة

    لحقتى كتبتى موضوووع عن الماضى وذكرياتة

    ماشاااء الله عليكى

    طيب أقووول انا أية بقى ما أنتى كتبتى خريطة برامج
    القناة الأولى والتانية والثالثة كمااااان

    عموما - كل حاجة زماااان كانت حلوة
    مصر زمان كانت حلوة
    الناااس زمان كانت حلوة
    الهوا والمية زمااان كانوا حلوين

    برامج التليفزيون المصرى وقطاع الإنتاج زمان
    كانت حلوة - مفيدة - ثقافية

    حتى الترفيهية منها كانت فعلا مضحكة من القلب

    أفتكروا كدة

































    كثييير قوى - كملوا بقى





  7. #7
    عضو فضي الصورة الرمزية فؤاد حسني
    تاريخ التسجيل
    Jul 2010
    المشاركات
    3,470
    معدل تقييم المستوى
    39

    افتراضي رد: وعايزنا نرجع زي زمان؟؟؟!!!

    تحدثت زهرة المنتدى عن أيام زمان وكأنها تتحدث باسمنا جميعا ... وزمان كنت أشاهد علم وطنى يرفرف فوق المدارس والمناطق العسكرية والشركات وفوق الكثير من المبانى ... وتدريجيا لاحظت أنه إما قديم جدا وإما مهلهلا للأسف الشديد ... ثم إبتدأ ينقرض ... وطالما نبهت كثيرا إلى ذلك فى بريد الأهرام عدة مرات ... ولا من مجيب وكأنك تؤذن فى مالطا !!!
    وأصبحت أشعر أننا سننسى شكل علمنا !!!
    عندما قامت ثورة 25 يناير ... بأهدافها الرائعة ... وجدت نفسى أرى أن أعظم ما فى هذه الثورة أن أعادت لنا علم الوطن فرفعناه فوق الرؤوس ولوحنا به عاليا يعبر عن حبنا للوطن وإنتمائنا الصادق له ... حتى أنه يسعدنى جدا ان أرى العلم الآن فى معظم المداخلات معبرا عن مصر الثورة .. مصر الكرامة .. مصر التى سوف تكون بإذن الله مصر المحروسة .
    أدين للثورة أن أعادت أهم ما إفتقده الماضى .. فرجعنا فى هذا الأمر الهام زى زمان وأكثر .

    تحياتى لجميع الأحباب


    الاســـم:	186848_100000532092672_3936858_q.jpg
المشاهدات: 1207
الحجـــم:	2.8 كيلوبايت

  8. #8
    عضو فضي الصورة الرمزية Me3mary
    تاريخ التسجيل
    Jun 2010
    المشاركات
    3,142
    معدل تقييم المستوى
    36

    افتراضي رد: وعايزنا نرجع زي زمان؟؟؟!!!


    وأدى كمان أغنية حسنين ومحمدين


  9. #9
    عضو برونزي الصورة الرمزية مجدى تركى
    تاريخ التسجيل
    Sep 2010
    المشاركات
    1,942
    معدل تقييم المستوى
    23

    افتراضي رد: وعايزنا نرجع زي زمان؟؟؟!!!

    عاوزين بقى برنامج محواالأمية بتاع الأستاذ عبدالبديع قمحاوى
    حد فاكره
    مش عارف القيه فى اليوتيوب
    ياشعب ياواقف على باب النهار
    قربت بصمودك طريق الأنتصار
    وزرعت من تانى الأمل فى كل دار
    واتجمعت كل الأيادى
    من كل بيت طلعت تنادى
    على الطريق وتقول
    بلادى بلادى بلادى



    [

  10. #10
    عضو سابق
    تاريخ التسجيل
    Jul 2010
    الدولة
    مصر عادت شمسك الذهب
    المشاركات
    11,906
    معدل تقييم المستوى
    0

    افتراضي رد: وعايزنا نرجع زي زمان؟؟؟!!!

    احبتى اخوانى واخواتى
    اشكركم لتفاعلكم الجميل
    وكلماتكم الرقيقة
    سأترك لكم هذه الصفحة
    تتحدثون فيه عن زمان
    وما يمثله لكم

    حتى العاب زمان وأنا صغيره
    اشتاق لها
    كنا نعلب انا وصديقاتى
    الاولى والاستغماية وكهربا
    ولعبة الافلام وتمثيل ونط الحبل
    ونجري ورا بعض
    ولا كان كمبيوتر ولا دش ولا التقدم ده
    بس كانت ايام جميله
    والعاب جميله
    بس زمان كان جميل
    هل نحن نخاف من الحاضر
    فنحن للماضي؟
    هل لأن الماضي حقيقة وقعت وحدثت
    اما المستقبل فمجهول؟؟؟؟؟
    لماذا الماضى اكثر جاذبية
    لماذا دائما نقول
    يا سلام على زمان وايام زمان وخير زمان؟


  11. #11
    عضو فضي
    تاريخ التسجيل
    Jul 2010
    المشاركات
    4,547
    معدل تقييم المستوى
    50

    افتراضي رد: وعايزنا نرجع زي زمان؟؟؟!!!

    انتى وقعتى على مجلة قديمة للاذاعة والتليفزيون ولا اية وكان فية مسلسل اسمة انا البرادعى يالطفى مش عارف هو موجود ولا لا هههههههه

  12. #12
    عضو سابق
    تاريخ التسجيل
    Jul 2010
    الدولة
    مصر عادت شمسك الذهب
    المشاركات
    11,906
    معدل تقييم المستوى
    0

    افتراضي رد: وعايزنا نرجع زي زمان؟؟؟!!!

    محمدين
    متبوظليش موضوعى وتشخبط او سمحت
    احكى ماذا يمثل لك زمان بحكاياته؟

    ابوعمر
    الفيديوهات جميله جدا

  13. #13
    عضو سابق
    تاريخ التسجيل
    Jul 2010
    الدولة
    مصر عادت شمسك الذهب
    المشاركات
    11,906
    معدل تقييم المستوى
    0

    افتراضي رد: وعايزنا نرجع زي زمان؟؟؟!!!


  14. #14
    عضو برونزي الصورة الرمزية ايمن حامد
    تاريخ التسجيل
    Jul 2010
    المشاركات
    1,065
    معدل تقييم المستوى
    15

    افتراضي رد: وعايزنا نرجع زي زمان؟؟؟!!!

    اقتباس المشاركة الأصلية كتبت بواسطة محمدين مشاهدة المشاركة
    وكان فية مسلسل اسمة انا البرادعى يالطفى مش عارف هو موجود ولا لا هههههههه

    لا ياسكره الموجود دلوقتى مسلسل
    انا البرادعى يا حسنى
    على فكرة انا فاكر المسلسل دا كويس
    جدتى الله يرحمها كانت يوميا تدعى على البرادعى اللى قتل مرات رشدى عبدالله غيث وكنا بنحاول نقنعها ان دا تمثيل مش حقيقة ومع ذلك تانى يوم تدعى وتبكى
    كانو ناس طيبن الله يرحمهم

    وكان القرايب والجيران بيجو يتفرجو عندنا مش كل الناس كان عندها تلفزيون فى الصعيد

    ودا طبعا كان بيخلينى افرض سطوتى على العيال وواتأمر عليهم

    وكان بيبقى يوم اسود يوم ما الرئيس يخطب وبالتالى ميبجيش المسلسل يمكن عشان كده فرحنا لما الريس اتنحى

    طب حد بقى فاكر الاعلان اللى كان قبل المسلسل بتاع مصر للتأمين
    بتاع الحكم محمود عصمان عارف انه عثمان بس عندنا فى البلد عصمان



    ماشاء الله دينا مسبتش حاجة فى التلفزيون واضح انها كانت قاطعة
    بس نسيت برنامج مهم جدا فى الاذاعة
    اعترافات ليلية يمكن عشان كان بيجى متأخر

    يومكم مبارك
    ولابلاش مبارك خليها سعيد

    اسيبكم يقى عشان الصلاة
    ولا تنسو الدعاء لشقيقتى وشقيقتكم حويراء




  15. #15
    عضو سابق
    تاريخ التسجيل
    Jul 2010
    الدولة
    مصر عادت شمسك الذهب
    المشاركات
    11,906
    معدل تقييم المستوى
    0

    افتراضي رد: وعايزنا نرجع زي زمان؟؟؟!!!


    ايمن حامد
    نورتنى بجد
    لا افتكرت اعترافات ليليه لبثينة كامل
    بس محبتش اعمل تعديل
    فعلا كنت اعشق صوت بثينة كامل
    صوتها رائع
    وحكايات جميله واعترافات كانت جريئة وقتها
    كان البرنامج بعد واحدة بليل
    الاذاعه لها رونقها الجميل
    كنا بنجب نشغل الراديو ونستمع له انا واختى
    مجرد انى اغير المؤشر اعرف الاذاعه من صوت المذيع او البرنامج المذاع
    وكنت بحب اسيب الراديو شغال وانا نائمة ومجرد ان اصحو واستمع لصوت برنامج ما اعرف الساعه كام ههههههههههه
    متابعه معاكم


  16. #16
    عضو فضي
    تاريخ التسجيل
    Jul 2010
    المشاركات
    4,547
    معدل تقييم المستوى
    50

    افتراضي رد: وعايزنا نرجع زي زمان؟؟؟!!!

    صباااااحوة يا ايمن لما تبقى الغزالة رايقة بتضحكنى جداااا على فكرة (قاطعة) يعنى اية هههههههههههههههه

  17. #17
    عضو سابق
    تاريخ التسجيل
    Dec 2010
    المشاركات
    2,451
    معدل تقييم المستوى
    0

    افتراضي رد: وعايزنا نرجع زي زمان؟؟؟!!!

    ههههههههه
    أ/ايمن حامد
    فطستنى من الضحك بجد
    وايوة فعلا
    دينا انتى كنت ادام التليفزيون على طول
    الحقيقه البرنامج الى كان مسموح لنا بيه سينما الاطفال
    وبابا يشغله الصبح عشان نصحى
    و بلقظ ,بابا ماجد
    بس
    بعد كده
    ممكن نتفرج على نادى السينما ومش كل الافلام
    يعنى لو جه منظر كدة ولا كدة
    التلفزيون بيتقفل فورا
    اللهم الا اذا خرج واتفرجنا سرقه

    لكن مازالت اجمل ايام كانت
    مليانه براءة
    (واجرام )
    كنا تحف واحنا صغيرين



  18. #18
    عضو سابق
    تاريخ التسجيل
    Jul 2010
    الدولة
    مصر عادت شمسك الذهب
    المشاركات
    11,906
    معدل تقييم المستوى
    0

    افتراضي رد: وعايزنا نرجع زي زمان؟؟؟!!!

    على فكره يا لين
    مش معنى انى بقول كل اسماء البرامج
    يبقي كنت مقطوعه هههههههههههه
    واصلا نادى السينما مكانش بيجيب حاجة مخله
    بالعكس
    الان القنوات الفضائية هيا المتخمة بما يندى له الجبين

    انحدث عن الايام الجميله وايام زمان
    وذكرياتنا
    شاركونا

  19. #19
    عضو سابق
    تاريخ التسجيل
    Jul 2010
    الدولة
    مصر عادت شمسك الذهب
    المشاركات
    11,906
    معدل تقييم المستوى
    0

    افتراضي رد: وعايزنا نرجع زي زمان؟؟؟!!!

    يالا احكوا لنا عن لعب زمان وشقاوة الاطفال زمان
    سلام مؤقت

  20. #20
    عضو سابق
    تاريخ التسجيل
    Jul 2010
    الدولة
    مصر عادت شمسك الذهب
    المشاركات
    11,906
    معدل تقييم المستوى
    0

    افتراضي رد: وعايزنا نرجع زي زمان؟؟؟!!!

    طب تعالوا نحكى
    كنا بنقرأ ايه زمان

    فاكرين ميكى جيب


    كنت بموت فيها
    ورجل المستحيل
    ادهم صبري
    يا سلام عليه

    يجيد كل فنون القتال وكل اللغات
    وفنون التنكر
    كنا ننتظر العدد تلو الاخر
    ولا قصه حبه لمنى توفيق
    وصراعه مع سونيا جراهام
    فاكرين؟







  21. #21
    عضو سابق
    تاريخ التسجيل
    Dec 2010
    المشاركات
    2,451
    معدل تقييم المستوى
    0

    افتراضي رد: وعايزنا نرجع زي زمان؟؟؟!!!

    هههههه
    لا ما قصدتش
    كدة طبعا قصدى عارفه البرامج --
    اصل احنا كان عندنا حظر تجول فى المكان
    بتاع التليفزيون
    وساعات نادى السينما كان بيبقى فيه (قبلات )
    وانت عارفه بقى العيال بحيبوا يبصوا
    لكن بابا قاعد بالمرصاد الله يرحمه

    ومن ناحيه الاجرام
    يعنى ممكن بنشعبط على الدولاب
    وننط على السرير
    لحد الالواح تقريبا كلها اكسرت
    ممكن نسرق مثلا البندق بالذات
    كنا سفاحين بندق
    وعندى اخ مزاجه يلم ورق الشجر فى جيوبه لحد دلوقتى

  22. #22
    عضو سابق
    تاريخ التسجيل
    Jul 2010
    الدولة
    مصر عادت شمسك الذهب
    المشاركات
    11,906
    معدل تقييم المستوى
    0

    افتراضي رد: وعايزنا نرجع زي زمان؟؟؟!!!

    يا احبتى

    فاكرين قصص تان تان



    فاكرين مجله سمير




    فاكرين الشياطين ال 13
    ورقم صفر الذي
    لا يعرف حقيقته احد ههههههه
    طب يا جماعه نفسي اعرف حقيقته هههههه








  23. #23
    عضو سابق
    تاريخ التسجيل
    Jul 2010
    الدولة
    مصر عادت شمسك الذهب
    المشاركات
    11,906
    معدل تقييم المستوى
    0

    افتراضي رد: وعايزنا نرجع زي زمان؟؟؟!!!

    ولما كبرنا شويه كنا نقرأ مجلة الشباب
    كان اعدادها ينفذ بسرعه
    واخى الحبيب لابد ان يذهب
    لحجز النسخة قبل
    موعدها الشهري بأسبوع

    كانت مجله متميزة مليانه
    مقالات لكبار الكتاب
    منهم محمودالسعدنى
    ورجاء النقاش


    متابعه معاكم




  24. #24
    عضو فضي
    تاريخ التسجيل
    Jul 2010
    المشاركات
    4,547
    معدل تقييم المستوى
    50

    افتراضي رد: وعايزنا نرجع زي زمان؟؟؟!!!




    الموضوع دخل فى شغل الاطفال المفروض يروح تحت منتديات طنط فضيلة

  25. #25
    عضو سابق
    تاريخ التسجيل
    Jul 2010
    الدولة
    مصر عادت شمسك الذهب
    المشاركات
    11,906
    معدل تقييم المستوى
    0

    افتراضي رد: وعايزنا نرجع زي زمان؟؟؟!!!


    ماهى ابله فضيله وحبايبى الحلوين جزأ من الموضوع يا محمدين
    لاننا بنتكلم عن ذكرياتنا مع زمان
    سواء اذاعه وتليفزيون وقراءة وصداقه كل حاجة

    طب متشاركنا بدل ما تتريق يا محمدينيا سكره

    احكى لنا ذكرياتك في الطفوله وكنت بتقرأ ايه وبتلعب ايه مع اصدقائك
    جيرانك وانت صغير اصحابك
    حكايات مع زمان وايام زمان
    لما بتحكى عن نفسك بجد
    مشاركاتك بتبقى جميله جدا يا تاجر السعادة وصانع البهجة
    بس بلاش تبوظلى موضوعى بالسخريه
    لانى بجد بزعل من السخرية والتريقه
    بس طبعا انت عزيز عندى جدا وبضحك من قفشاتك
    يومك معطر وسكر يا محمدين
    يالا انتظر

  26. #26
    عضو فضي
    تاريخ التسجيل
    Jul 2010
    المشاركات
    4,547
    معدل تقييم المستوى
    50

    افتراضي رد: وعايزنا نرجع زي زمان؟؟؟!!!




    مغامرات اية انا مالييش مغامرات طفولة مشرده ههههههه

  27. #27
    عضو برونزي الصورة الرمزية ايمن حامد
    تاريخ التسجيل
    Jul 2010
    المشاركات
    1,065
    معدل تقييم المستوى
    15

    افتراضي رد: وعايزنا نرجع زي زمان؟؟؟!!!

    حبيبى انت ياسكرة والله
    ادعيلى ان الغزالة تفضل رايقة
    اخوك ولله الحمد كثير المحن والابتلاءات ودا خير طبعا احمد الله عليه
    بص ياغالى بصى يادينا
    كلمة قاطع دى مدح مش زم
    قصدى ااقول ان دندنة بنت عز
    لان المعروف ان كلمة قاطع كانت تطلق على اولاد البشوات
    ازاى
    زمان مثلا كانت السينما الصيفى معظم مرتاديها ناطين من ع الصور او مزوغين فى الطابور
    الاقلة من اللى قاطعين تذكرة
    ولما يحصل كبسة كله يجرى الا البشوات اللى قاطعين

    والاتوبيس مثلا اللى مزوغ يبقى واقف بخوف ناحية الباب
    اما اللى قاطع دا يقعد على كرسى ويحط رجل على رجل
    القصد ان القاطع غير المقطوع تماما


    قصدى ااقول ان دينا كانت براحة راحتها مش مههدة زيينا
    انا مثلا زى ما ذكرت اختى الكريمة لين
    كان ممنوع علينا التلفزيون الا فى اوقات محددة وخصوصا من جدى رحمة الله عليه اللى كان بيكره التلفزيون جدا

    وكان رحمة الله علية من الناس اللى نحسبهم من الصالحين تجارته القرأن وحب الرسول علية الصلاة والسلام

    لحد دلوقتى الناس بتحلف بجنازتة اللى كانت جنازة رهيبة
    كان رحمة الله عليه الصبح يحفظنا قران وبعد الضهر يقعدنا مع العلماء والادباء ووجهاء البلد
    وبعد العصر ندور نلف على عماتنا وخلاتنا صلة رحم وفى المساء نسمع قران السهرة على محطة القرأن الكريم قران الساعة 8


    وكان معظم الناس فى رمضان بيعملو زى ماقالت اختى الكريمة الغالية اللى مزعلنى جدا جدا عدم وجودها الاستاذة الدكتورة هايدى ربنا يرجعلهنا والغوالى جميعا بالف خير

    كان بعض الناس فى رمضان بيحطه كرتونة فوق التلفزيون ويقولو دا شهر كريم ممنوع فيه الشياطين


    وزى ما تفضلت اختى لين نادى السينما واوسكار واخترنا لك دى كانت حاجات عندنا فى الصعيد تعتبر أبيحة طبعا بالمقارنة بما نراه الان دى حاجات فاضلة جدا جدا


    دا نبذة مختصرة يا دندنة
    اما عن الشقواة والطفولة فترقبى تعليقى القادم
    اعتقد انكم هتسمعو حاجات تعد من الطرائف والغرائب وان كنت ذكرت بعضها فيما قبل فى موضوع للغالى النبيل او الحبيب المايسترو علىما اتذكر

    اردت فقط التوضيح ان كلمة قاطعه تعنى بنت ذوات عندها اوبشن مكنش متاح لكل الناس
    انتظرو تعليقى القادم شرط عدم الضحك
    ربنا يسعدكم جميعا


  28. #28
    عضو سابق
    تاريخ التسجيل
    Dec 2010
    المشاركات
    2,451
    معدل تقييم المستوى
    0

    افتراضي رد: وعايزنا نرجع زي زمان؟؟؟!!!

    أ/ ايمن
    زمان التربيه كانت احسن بكتير من دلوقتى
    وعلى قد ما كنت تقول ان احنا مجرمين
    لكن مقارنة بالاطفال بتوع دلوقتى احنا كنا ملايكه بجد
    والحمد لله
    معلش نسيت أسأل( الكرتونه دى الى فوق التليفزيون بتاعت ايه )
    واحكى بقى عن الطفوله الحلوة بتاعت زمان

  29. #29
    عضو سابق
    تاريخ التسجيل
    Jul 2010
    الدولة
    مصر عادت شمسك الذهب
    المشاركات
    11,906
    معدل تقييم المستوى
    0

    افتراضي رد: وعايزنا نرجع زي زمان؟؟؟!!!

    اخى الفارس ايمن حامد
    شكرا لتفسيرك لكلمة قاطع

    وطبعا لم اكن مقطوعه للتليفزيون
    اذهب لكن جميلا عشان تعرف انى كنت دحيحة هههههههههههه
    وغاوية مذاكره
    ولو مطلعتش من الاوائل تبقى مصيبة
    اعشق القراءة انا واخواتى منذ الصغر
    كانت القراءه لنا هى الماء والهواء
    وماما كانت بتعمل حظر تجول وتضع التليفزيون في الكرتونه الشهيره هههه
    وكما تفضلت انت يا ايمن و قولت نادي السينما واوسكار بالمقارنه
    الان لما يبث في الفضائيات يبقى الادب بعينه هههههههههه
    وفعلا التليفيزن كان في رقابة افضل عن الان

    جدى ايضا يا ايمن الشيخ محمد الحلو
    كان خريج كليه اصول الدين جامعه الازهر حافظا للقرأن خطيباً مفوها في المساجد
    وكان يحفظنا القرأن الكريم ويشجعنا ونحن صغار رحمه الله عليه

    تربية زمان احلى من الان
    كنا نعتمد على القراءة
    الان الاهل تترك الطفل امام mbc والكرتون وخلاص
    احنا جيل لا يعوض هههههههه
    شوفتوا بقه ايام زمان وحواديت زمان جميلة ازاي يا ايمن

    نعم انت حكيت لنا قبل كده عن لعبه الكفار

    ننتظر المزيد من حكايات زمان


  30. #30
    عضو محيط المتميز الصورة الرمزية rockmohamed
    تاريخ التسجيل
    Dec 2010
    الدولة
    EGYPT
    العمر
    39
    المشاركات
    828
    معدل تقييم المستوى
    12

    افتراضي رد: وعايزنا نرجع زي زمان؟؟؟!!!

    دائما متميزه يا دينا بس ماشاء الله عليكى ذاكرتك قويه اوى بس نسيتى بوجى وطمطم وعمى شكشك ههههههههههههههههههههههه
    والبرنامج الصباحى بصبح عليك للمذيعه ايناس جوهر اللى كانت بتقول فيه الجملة الشهيره ( غمض عنيك وامشى بخفه ودلع الدنيا هى الشابه وانته الجدع تشوف رشاقة خطوطك تعبدك لكن انته لو بصيت لرجليك تقع عجبى هههههههههههههههههههههه )
    الماضى جميل علشان خلاص عرفناه وعشناه مفيش فيه مجهول وتقريبا كنا كلنا فى الفتره دى بنتعامل بعفويه وكان التدليل من ابائنا وامهاتنا علشان كنا عيال واى غلط يندرج تحت ده لسه عيل ميعرفش حاجه هههههههههههه

    يتبع

  31. #31
    عضو برونزي الصورة الرمزية نبيل زغيبر
    تاريخ التسجيل
    Oct 2010
    الدولة
    احلى مكان بمصر
    المشاركات
    1,685
    معدل تقييم المستوى
    21

    افتراضي رد: وعايزنا نرجع زي زمان؟؟؟!!!

    يا ستى الحاجه/دينا الله يهديكى دائما تاتى بمواضيع رائعه ومواضيع تاتى على الجرح فانا قرات موضوعك بالامس وطبعا قلب على الذكريات وكانت مناسبة جميلة انتى السبب فيها لان اليوم هو عيد ميلادى اتممت ال 53 عام اليوم فاسترجعت طفولتى وحياتى كلها الى لحظة كتابة سطورى هذا وهذا يدل على نقاء السريرة من حفيدة رسول الله وان فيكى شىء لله 0 فانا بالطبع اكبر منكم ومنكن وقد عاصرت عم عبدالله عندما كان ياتى راكبا حمارة الابيض ويربط علية جركن كبير به جاز ويقوم بملء الفانوس بالجاز وتنظيفه بقماشة ويقوم باشعاله حيث ان الكهرباءلم تصل عندناكانت الحكومه ركبت الاعمده وفى انتظار الاسلاك والمحولات فى عام 63 وكنا نستمع الى نصائح وحكاوى جدتى وامى عن امنا الغوله والعفاريت كى نهرع الى النوم ونغطى وجوهنا بالغطاء حتى لاتاتى الينا العفاريت ولا الشمامه تشمنا وطبعا لزوم ذلك نغسل ايدينا ورجلنا كويس ونتطهر قبل مانام ونقراء ايات من القران وممنوع السهر بعد العشاءحتى لو فى المنزل حيث كنا نستيقظ فى الفجر نصلى جماعه ثم نفوم باعداد طعام الافطار وممنوع نوم احد من افراد الاسره حتى اذا كان مريض فلابد ان يكون وسطنا ولابد من شرب اللبن واكل الجبنه والعسل والقشطه وكنا ساعات نسهر مع امنا امام الفرن الفلاحى نساعدها هى والخبازة فى مناولتها الحطب وحمل الخبز وننتظر منها عمل الحنون رغيف صغير بالجبنه او العسل والفطير المشلتت ونعمل معاها صينية البطاطس باللحمة وبعدين الفول المدمس بالبوشة بالعدس بجبه بالسمن البلدى ونذهب الى المدرسه نرتدى المريله القماش ذات اللون الاصفروشورت قصير او بنطلون وشنطة المدرسة من لون المريله ومن نفس القماش ونو ضع مع الكراسات والكتب السندوتشات واوقات كنت اضع شارة الشرطة المدرسيه على كتفى الايسر واتمنظر على العيال فى المدرسة بس كنت من الاوائل والممتازين جدا وذلك بناء على طلب ورغبة مدرسى الفصل حيث اننى كم من مرة علقت من رجلى فى الفصل وضربت بكافة انواع العصى والزخمه والكرباج لدرجة انى لو سمعت اسم الاستاذ اقف مسرعا واذا شاهدته فى الطريق اجرى ابحث عن مخبىء وادعوا الله ان لايرانى وكنانتشاجر مع بعضنا كاولادمن يحمى فلانه من البنات ودى تبعى ودى تبع فلان وكنا نعطى بعض الحلويات والسندوتشات وكنا نحكى لبعض الكثير من الموضوعات ومع ذلك لم نقدر على التاخر عن مواعيد الذهاب الى المدرسة او العوده منها واذا تشاجرنا انا وحبيبتى كنت ادعى المرض حتى ارى ماذا ستفعل وبالمثل هى كذلك وكنت اقص على امى رحمها الله كل مايدور بذهنى وتقول لى اجدعن وخد الشهاده وسازوحها لك فكم تبادلنا الورود والهدايا كم شاركت معى فى نظافة المدرسه والفصل وفى تزين الفصل وفى محاربة العصافير فى الحقول حيث كنا نخرج مجموعات من المدرسة نحمل علبة صاج بها بعض الزلط ونرجها فتحدث صوتا فتهرب العصافير التى تاكل محصول القمح ثم نعود الى منازلنا تنتناول طعام الغداء وننام ثم نصحو للمذاكرة واللهو بعض الوقت وكنت دائما مااستمع الى نشرة الاخبار ثم القران الكريم ثم ياتى والدى مساء ليشغل لنا التليفيزيون حيث كان لدينا الجهاز الوحيد بالمدينه وكان لابد من حضور اعداد كبيره من اهل المنطقة لمشاهدة التنليفزيون والافلام الرائعه القديمه ومسلسلات ميعاد محدد ونهرع الى فراشنا فاستكمل دراستى مع الراديو الكبير وكان يعمل بالبطارية الخاصة بالسيارات واستمع الى ام كلثوم وعبده الحامولى واسمهان ومحمد عبد الوهاب وعبد العزيز محمود وخلافهم من كبار الفنانين وعاصرت العديد من الحركات والحروب 67 و73 وكفايه كدا النهارده وبعدين احكى لكم حاجات حلوة قوى تحياتى لكم
    التعديل الأخير تم بواسطة Sunbird ; 03-25-2011 الساعة 07:50 PM
    من شــــــــــــــاف توقيعي

    عضو رابطة الادباء والمؤرخين العرب



  32. #32
    عضو سابق
    تاريخ التسجيل
    Jul 2010
    الدولة
    مصر عادت شمسك الذهب
    المشاركات
    11,906
    معدل تقييم المستوى
    0

    افتراضي رد: وعايزنا نرجع زي زمان؟؟؟!!!

    جميل جدا يا روك
    اشكرك لكلماتك الرائعه
    ايوه كده افتكر معايا
    ما انا مش معقول حقول كله
    ساعدونى وفكرونى
    ما انا لما بقول كل حاجة
    حتفتكروا انى كنت قاعدة في مبنى الاذاعه والتليفزبون ليل نهار
    طبعا مش كنت عايزة اشتغل مذيعه هههههههههه
    كلامك جميل يا روك

    ايناس جوهر صوتها رائع جدا وطبعا فاكره جملها الشهيره دي رائعه
    الله على زمان وايام زمان
    يا ليت الشباب يعود يوما

    انتظر ما يتبع يا روك
    ي

  33. #33
    عضو سابق
    تاريخ التسجيل
    Jul 2010
    الدولة
    مصر عادت شمسك الذهب
    المشاركات
    11,906
    معدل تقييم المستوى
    0

    افتراضي رد: وعايزنا نرجع زي زمان؟؟؟!!!

    استاذي الفاضل خفيف الظل نبيل زغيبر
    عودتك لمنتديات محيط بعد غياب
    اعادت البسمه والضحكة لها
    ما شاء الله وجودك مميز جدا وحضور حضرتك رائع
    اشكرك لكلامك الرقيق الجميل
    اخجلت تواضعنا
    معلش بقه قلبت عليك الذكريات
    ولكن ما اجمل الذكريات
    ان وجودك معى في موضوعى شرف اعتز به
    لا
    ده انا لازم اروح اعمل شاي
    عشان اقرأ كلام حضرتك بتمعن
    دمت بود وسعادة
    وكل سنة وحضرتك طيب بمناسبه عيد ميلادك

  34. #34
    عضو فضي الصورة الرمزية Me3mary
    تاريخ التسجيل
    Jun 2010
    المشاركات
    3,142
    معدل تقييم المستوى
    36

    افتراضي رد: وعايزنا نرجع زي زمان؟؟؟!!!


    جمعة مباركة على الجميــــــع

    ماشاااء الله الفارس الغالى أيمن حاااامد منورنا بمشاركاتة الجميلة - أيوة كدة


    إزيك يا ديناااا - موضوعك على الصدارة الان

    فى طفولتى كنت أتابع مجلة ميكى - ولم أكن احب مجلة سمير

    كنت أقرأ الشياطين التلاتاشر
    والمغامرون الخمسة
    والمغامرون الثلاثة

    لم يكن رجل المستحيل فى وقتنا

    كنت أتابع مجلة سوبرمان - والرجل الوطواط
    النسخ الأصلية القديمة

    وكالمعتاد - التليفزيون عندنا لم يكن يفتح الا فى مواعيد محددة


  35. #35
    عضو سابق
    تاريخ التسجيل
    Dec 2010
    المشاركات
    2,451
    معدل تقييم المستوى
    0

    افتراضي رد: وعايزنا نرجع زي زمان؟؟؟!!!

    نسيت اقولكم على حاجه كنا بنعملها
    لما كنت فى الثانوى
    اصحابى البنات كنا 6
    بنروح يوم الجمعه المدرسه عشان كنت باخد مجموعه
    رياضيات بما انى كنت بكرها جدا
    كنا بنعمل ايه
    نروح عند الجزار (بتاع الحوواشى)
    الله عليه بقى
    الصبح فى الساقعه نفضل واقفين مستنين
    عشان كنا بنخلص المجموعه الساعه 10
    وهو يا دوبك يكون لسه فاتح المحل
    ونستناه
    وبعدين كل واحد ياخد السندوتش بقى سخن فى ورقه الجرنال
    الجميله الى غرقانه سمن وحبر
    ونمشى على رصيف المترو
    بنمشى بقى محطتين تقريبا من
    سفير لحد ميدان اسماعيله واحنا بناكل
    ونضحك وبعدين كله يركب بقى ويروح

    تصدقوا دى احلى حاجه افتكرها من ايام المدرسه

  36. #36
    عضو نشط الصورة الرمزية رضا الهجرسى
    تاريخ التسجيل
    Feb 2011
    الدولة
    مصر- القاهرة
    المشاركات
    260
    معدل تقييم المستوى
    6

    افتراضي رد: وعايزنا نرجع زي زمان؟؟؟!!!

    الصديقة العزيزة ..دينا الحلو ..
    الذكريات ما هى ألا مؤشر خطير ..لأنسحاب الأنسان من الأحداث المؤثرة فيمن حولة ..وتوقف عن عمل ذكريات جديدة ..وهنا يجب أن يسارع الأنسان
    بالعودة الى الحياة والتأثير فيها ..فالذكريات والعودة الى الماضي ..أعتراف من الأنسان بأن رسالتة فى الحياة قد أنتهت ..بالطبع ليس هناك ضرر.. أن يتذكر
    الانسان من وقت لأخر أوقات سعيدة عاشها ..ولكن أن تصبح حياتك كلها ذكريات ..فهو الموت بعينة ..
    فعش حياتك لأخر ساعة فيها وأنت تؤثر فيها ..لا تنظر أليها وكأنك تنظر داخل ..صندوق الدنيا ..أكيد فاكراة ..
    مع كامل تقديري لموضوعك الممتع ..
    التعديل الأخير تم بواسطة رضا الهجرسى ; 03-25-2011 الساعة 10:00 PM
    لا أعرفك .....لا تعرفينني
    أقطن فى أخر الأرض...تقطنين في أولها
    ولكن؟؟
    أقدارنا ......تتلاقي.......تتصادم......
    فما الحياة ....ألا ....صراع أقدار

  37. #37
    عضو سابق
    تاريخ التسجيل
    Jul 2010
    الدولة
    مصر عادت شمسك الذهب
    المشاركات
    11,906
    معدل تقييم المستوى
    0

    افتراضي رد: وعايزنا نرجع زي زمان؟؟؟!!!

    اقتباس المشاركة الأصلية كتبت بواسطة Me3mary مشاهدة المشاركة

    جمعة مباركة على الجميــــــع
    [/COLOR][/SIZE]


    إزيك يا ديناااا - موضوعك على الصدارة الان

    فى طفولتى كنت أتابع مجلة ميكى - ولم أكن احب مجلة سمير

    كنت أقرأ الشياطين التلاتاشر
    والمغامرون الخمسة
    والمغامرون الثلاثة



    يا هلا بالمايسترو

    فكرتنى
    ازاي كنت ناسية
    ده انا من اول الحاجات اللى كنت بقرأها المغامرون الخمسة
    محب ولوزة وعاطف وتختخ والشاويش فرقع كنت بحبها
    والمغامرون الثلاثة
    عارف وعامر وعالية

    وايه كمان يا ابوعمر افتكر معانا

    وادى اول قصه قرأتها لغز الكوخ المحترق للمغامرون الخمسة


    ][/CENTER]

  38. #38
    عضو فضي
    تاريخ التسجيل
    Jul 2010
    المشاركات
    4,547
    معدل تقييم المستوى
    50

    افتراضي رد: وعايزنا نرجع زي زمان؟؟؟!!!

    تعليق ادبى جميل يا استاذ رضا بس ده معناه ان صاحبة الموضوع فى لحظاتها الاخيرة لية كدا ربنا يديها الصحة وطول العمر

  39. #39
    عضو برونزي الصورة الرمزية عطر شوقي
    تاريخ التسجيل
    Nov 2009
    الدولة
    مصر
    المشاركات
    1,608
    معدل تقييم المستوى
    21

    افتراضي رد: وعايزنا نرجع زي زمان؟؟؟!!!

    كنت زمان طفلة شقية
    أضحك ألعب أمرح
    لا أعرف البكاء
    أٍتسغرب حين أرى الدموع في عيني أي أحد
    أقول في نفسي
    مالذي يفعله هؤلاء حتى يبكوا
    أو مالذي يجعلهم يبكون
    ألا يعرفون الضحك
    فاليأتو لي كي أعلمهم كيف يكون الضحك
    كيف يرقص القلب وكيف تمرح الضلوع
    لا أحد يجلس معي إلا قام مسرعا متألما من كثرة الضحك
    أصحو من نومي على أصوات الجيران
    أنتي فين يا نجلاء
    كل ده نوم
    اليوم بدء
    فالتأتي الآن
    أشترط عليهم أولاً
    عايزة كوب شاي بحليب بدون سكر وتقيل جدا
    وباكو بسكويت
    وبعدين ننظف الشقة لماما
    ونخرج نلعب ع السلم الحجلة فاكرينها
    واستغماية
    بس أنا كنت بخمهم
    واللى مش عاجبة يبقى مفيش ضحك ومفيش لعب وأنا كمان الفائزة
    يسلموا فورًا دون أي تردد
    كنت انا البوس
    يعنى الرئيسة
    اليوم اللعب في سطوح المنزل
    نحضر التلفزيون للأمهات
    واحنا نلعب مع الطيور
    كنا نربي الدواجن والبط والأرانب
    أربط الفرخة من رجلها وأشبكها في طائرة ورقيه
    وتأتي جارتنا تصرخ في وجوهنا
    أقول لها قي إيه ياقمر أنت
    ياواد جميل مش أنتي حبيبتي وبتحبيني
    خلاص سيبيني أنا عايزة كدة
    تفضل تصرخ وتصرخ وتقول الحقوني نجلاء هاتقتل الفرخة
    تصعب عليا أفكها
    وأروح اترمى في حضنها
    هى أمى نعم أمى التي فقدتها منذ أكثر من خمس سنوات
    كل ذكرى جميلة لي كانت معها
    وحشتني
    وحشتيني يا أمى
    حتى زوجها ما استحمل فراقها توفى بعدها بثلاثة أيام فقط
    كانت فجيعة بالنسبة لي
    أين أذهب أنا الآن
    أضحك مع من
    لمن سأشكو
    أصابني بعضًا من جنون
    ومنذ هذا اليوم وأنا أرفض أن أذهب إلى شقتها
    حتى أبنائها كم دعوني للصعود عندهم وفي كل مرة أبكي وأرفض
    لا أستطيع أن أدخل الشقة دون أن أراها
    يا الله سأتوقف ولي عودة مرة أخرى
    التعديل الأخير تم بواسطة Sunbird ; 03-25-2011 الساعة 07:07 PM

  40. #40
    عضو سابق
    تاريخ التسجيل
    Dec 2010
    المشاركات
    2,451
    معدل تقييم المستوى
    0

    افتراضي رد: وعايزنا نرجع زي زمان؟؟؟!!!

    وجعتينى بكلامك عن والدتك يا عطر
    الله يرحمها ويرحم ابويا واموات المسلمين اجمعين
    والله عندك حق مفيش
    غيرهم ممكن الواحد يفرح ولا يضحك من قلبه الا معهم هما
    عارفه بابا كان اول حد بشوفه واخر حد بشوفه
    دلوقتى بدور عليه بين الناس كانه موجود
    حاسه مستنينى زى ما كان بيستنانى
    كان كتير بيسافر
    حاسه انه مسافر وراجع تانى
    فكرتينى وعيطينى

  41. #41
    عضو سابق
    تاريخ التسجيل
    Jul 2010
    الدولة
    مصر عادت شمسك الذهب
    المشاركات
    11,906
    معدل تقييم المستوى
    0

    افتراضي رد: وعايزنا نرجع زي زمان؟؟؟!!!

    الاخ الفاضل رضا الهجرسي
    هوه لما اتفرج عى مدرسه المشاغبين
    ن يبقي انا من ايامها
    لا طبعا مش شرط
    لما اكون باسمتع بالافلام الابيض والاسود واحبها
    يبقي انا من ايام نجيب الريحانى ههههههههه
    لما بكون بعشق الست ام كلثوم وعبدالوهاب
    يبقى انا من مواليد 1898
    لا طبعا برضه
    مش شرط
    كل الاجيال الجديدة بتحب اسماعيل ياسين وعبدالسلام النابلسي وزمن الفن الجميل

    وموضوع الست اللى بتخجل انها تقول سنها دى موضه قديمة اوووى على فكره
    وكمان هم يعرفون عمري هنا على فكره
    انا لازلت في اوائل الثلاثينات
    ولا اخجل من عمري
    كل عمر له جماله يا اخى الفاضل
    العشرينات لها جمالا والثلاثينات والاربعينات والخمسينات
    والرساله النبوية بتنزل على الرسول بعد سن الاربعين
    لان الرجل بعد الاربعين يكون اكثر نضجا

    ومن قال اننى اهرب ن الواقع
    من لا ماض له
    لا حاضر له
    هل عندما احن لايام زمان وذكريات زمان
    اكون بهرب وانسحب من الواقع!!!!!
    لا طبعا
    احب ايامى وحاضري
    واعمل واكد لمستقبلى
    ولكن المسأله ان في حاجات في الماضي اعشقها
    الصدق الصحاب الاعلام الاذاعه التليفزيون
    هو عباره عن موضوع نتحدث فيه عن زمان وذكرياتنا
    ما نحب في القراءه والالعاب والاعلام وووو
    بس
    اشكرك لمروك
    نورتنى

  42. #42
    عضو نشط الصورة الرمزية رضا الهجرسى
    تاريخ التسجيل
    Feb 2011
    الدولة
    مصر- القاهرة
    المشاركات
    260
    معدل تقييم المستوى
    6

    افتراضي رد: وعايزنا نرجع زي زمان؟؟؟!!!

    اقتباس المشاركة الأصلية كتبت بواسطة محمدين مشاهدة المشاركة
    تعليق ادبى جميل يا استاذ رضا بس ده معناه ان صاحبة الموضوع فى لحظاتها الاخيرة لية كدا ربنا يديها الصحة وطول العمر
    يا حاج محمدين ..
    أنت كدة طبعا ..بتهدي النفوس ...وأنا لم أقصد ذلك علي الأطلاق ...اللة يسامحك يا شيخ ..علي الذومبة الجامدة دي ..
    لا أعرفك .....لا تعرفينني
    أقطن فى أخر الأرض...تقطنين في أولها
    ولكن؟؟
    أقدارنا ......تتلاقي.......تتصادم......
    فما الحياة ....ألا ....صراع أقدار

  43. #43
    عضو جديد الصورة الرمزية عبد الباسط المبرى
    تاريخ التسجيل
    Mar 2011
    المشاركات
    36
    معدل تقييم المستوى
    0

    افتراضي رد: وعايزنا نرجع زي زمان؟؟؟!!!

    نحن لزمان نحذر الحاضر ونخشى المستقبل
    لان زمان مضى وندرك كل ما رايناه فيه وتجاوزناه بحلوه ومره واصبح فينا منه الحنين الى الذكرى فقط التى تعيدنا اليه فان كانت ذكرى سعيده نحن للسعادة التى عشناها فى تلك الفتره.وان كانت تعيسه نقول لتلك اللحظه لا اعادها الله علينا..
    اما الحاضر فنحذر لانه لم ينتهى بعد وتتضح معالمه كامله اعشناه فى سعادة ام شقاء
    اما المستقبل فانا نخشاه لان ما به يعلمه الله وحده ..
    فقط تتطلع امانينا لان يكون ما غاب عنا افضل مما ظهر وعلمناه..........لذلك كلنا نتمنى ان نقول
    قول للزمان...............ارجع يا زمان

  44. #44
    عضو فضي
    تاريخ التسجيل
    Jul 2010
    المشاركات
    4,547
    معدل تقييم المستوى
    50

    افتراضي رد: وعايزنا نرجع زي زمان؟؟؟!!!

    ابدا يا استاذ رضا كلامك جميل فعلا بس انا نفسى حد تانى يفتح بقة بس

  45. #45
    عضو سابق
    تاريخ التسجيل
    Dec 2010
    المشاركات
    2,451
    معدل تقييم المستوى
    0

    افتراضي رد: وعايزنا نرجع زي زمان؟؟؟!!!

    ههههههههه

    عطر عيطتنى وانتو ضحكتونى
    والله ضحكت ودموعى نازله

    مين بقى الحد التانى الى يفتح بقه هه
    اكيد مش انا
    ههههههههههه

  46. #46
    عضو سابق
    تاريخ التسجيل
    Jul 2010
    الدولة
    مصر عادت شمسك الذهب
    المشاركات
    11,906
    معدل تقييم المستوى
    0

    افتراضي رد: وعايزنا نرجع زي زمان؟؟؟!!!

    عطر شوقى
    اسعدتينى بحضورك ومشاركتك
    ولكنى حزينه اننى قلبت عليك الذكريات
    ربنا يرحمهم ويدخلهم فسيح جناته
    امين يارب
    الدنيا دار ابتلاء يا عطر يا نوجا
    لقاء وفراق ووداع
    كلنا سنموت
    الموت هو الحقيقة الوحيدة في الحياه
    فلتصبري ولتحتسبي
    الهمك الله الصبر والسلوان
    مشكوره لمرورك
    وانتظرك واحبك كثيرا
    بس خطك صغير اوى يا عطر

  47. #47
    عضو سابق
    تاريخ التسجيل
    Jul 2010
    الدولة
    مصر عادت شمسك الذهب
    المشاركات
    11,906
    معدل تقييم المستوى
    0

    افتراضي رد: وعايزنا نرجع زي زمان؟؟؟!!!


    استاذي خفيف الظل جدا نبيل زغيبر
    والله انا سعدت جدا بحكاياتك وكلماتك اللطيفة وضحكت كثيرا
    سردك جميل جدا وعشت معك ذكرياتك
    وعجبنى جدا طريقتك في الحكايات دمك خفيف يا استاذنا
    ربنا يعطيك الصحة يارب وتشوف بسمه عروسه
    وكمان خلتنى عايزة اكل الحنون ابو عسل وسمنة بلدى
    والمريله والشاره دى وكنت بتتمنظر على العيال هههههههههههها
    بجد كلها ذكريات جميله
    واحترام المدرس واجلاله
    مفيش كلام من ده خلاص
    احنا اخر الاجيال المحترمة
    والانتظام في المدرسه والنوم مبكرا والصحيان مبكرا
    وشاطر في المدرسه والراديو تليفزيون المدينة
    بجد استمتعت بقراءه ذكرياتك وعشت معك زمان
    وانتظر المزيد
    اشاكرك استاذي لمشاركتى
    واشكرك لكلماتك الرقيقة

    اسعدتنى

  48. #48
    عضو برونزي الصورة الرمزية نبيل زغيبر
    تاريخ التسجيل
    Oct 2010
    الدولة
    احلى مكان بمصر
    المشاركات
    1,685
    معدل تقييم المستوى
    21

    افتراضي رد: وعايزنا نرجع زي زمان؟؟؟!!!

    حبيب قلبى / محمدين انا شايفك كده فارد عضلاتك على المنتدى فى ايه ياعم انا بقى هافتح بقى اهوة احدفلى تفاحه بسرعة قول ذكرياتك ولاتخاف السر فى بير ولا انت مجرب وعارف ايه اللى بيحصلك ع العموم شارك بجديةوعايز اعرف حاجات كتيرعنك علشان العصفورة حكت لى حاجات كتيرة عنك قوى بس مش مصدقها ياشقى
    من شــــــــــــــاف توقيعي

    عضو رابطة الادباء والمؤرخين العرب



  49. #49
    عضو نشط الصورة الرمزية رضا الهجرسى
    تاريخ التسجيل
    Feb 2011
    الدولة
    مصر- القاهرة
    المشاركات
    260
    معدل تقييم المستوى
    6

    افتراضي رد: وعايزنا نرجع زي زمان؟؟؟!!!

    اقتباس المشاركة الأصلية كتبت بواسطة دينا الحلو مشاهدة المشاركة
    الاخ الفاضل رضا الهجرسي


    هوه لما اتفرج عى مدرسه المشاغبين
    ن يبقي انا من ايامها
    لا طبعا مش شرط
    لما اكون باسمتع بالافلام الابيض والاسود واحبها
    يبقي انا من ايام نجيب الريحانى ههههههههه
    لما بكون بعشق الست ام كلثوم وعبدالوهاب
    يبقى انا من مواليد 1898
    لا طبعا برضه
    مش شرط
    كل الاجيال الجديدة بتحب اسماعيل ياسين وعبدالسلام النابلسي وزمن الفن الجميل


    وموضوع الست اللى بتخجل انها تقول سنها دى موضه قديمة اوووى على فكره
    وكمان هم يعرفون عمري هنا على فكره
    انا لازلت في اوائل الثلاثينات
    ولا اخجل من عمري
    كل عمر له جماله يا اخى الفاضل
    العشرينات لها جمالا والثلاثينات والاربعينات والخمسينات
    والرساله النبوية بتنزل على الرسول بعد سن الاربعين
    لان الرجل بعد الاربعين يكون اكثر نضجا

    ومن قال اننى اهرب ن الواقع
    من لا ماض له
    لا حاضر له
    هل عندما احن لايام زمان وذكريات زمان
    اكون بهرب وانسحب من الواقع!!!!!
    لا طبعا
    احب ايامى وحاضري
    واعمل واكد لمستقبلى
    ولكن المسأله ان في حاجات في الماضي اعشقها
    الصدق الصحاب الاعلام الاذاعه التليفزيون
    هو عباره عن موضوع نتحدث فيه عن زمان وذكرياتنا
    ما نحب في القراءه والالعاب والاعلام وووو
    بس
    اشكرك لمروك

    نورتنى
    الأخت ..دينا ..
    أنا لم أقصد هذا المعنى وأنا أعرف أنك فى الثلاثين ..ولكن كما يقولون.. النكتة حبكت ..وكلامى موجة على العموم ..وليس لشخص بعينة ..وكنت أقصد ..تذكر ولكن لا
    تعش ذكرياتك وتنسي حاضرك ..
    مع تقديري وأحترامي لشخصك ومواضيعك المفيدة والمثمرة دائما ..
    لا أعرفك .....لا تعرفينني
    أقطن فى أخر الأرض...تقطنين في أولها
    ولكن؟؟
    أقدارنا ......تتلاقي.......تتصادم......
    فما الحياة ....ألا ....صراع أقدار

  50. #50
    عضو فضي الصورة الرمزية Me3mary
    تاريخ التسجيل
    Jun 2010
    المشاركات
    3,142
    معدل تقييم المستوى
    36

    افتراضي رد: وعايزنا نرجع زي زمان؟؟؟!!!


    المغامرون الخمسة





    تختخ : او توفيق و هو قائد الفريق.

    لوزة : و هي المغامرة الصغرى و لكنها ذكية.

    نوسة : أذكى المغامرين و تضع دوما حلولا منطقيا للمشكلات.

    عاطف : شقيق لوزة.

    محب : شقيق نوسة.


    والشاويش على



    ***************

    المغامرون الثلاثة





    عامر وعارف وعالية


    **********


    الشياطين الثلاثة عشر


    الزعيم رقم صفر

    أحمد من مصر
    عثمان من السودان
    قيس من السعودية
    عمير من الجزائر
    خالد من الكويت
    ريما من الأردن
    إلهام من لبنان
    زبيدة
    فهد
    مصباح
    باسم
    هدى

    فية واحد كمان مش لاقية ههههههااا







صفحة 1 من 3 123 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. في اي زمان انت‏
    بواسطة sevgili في المنتدى منتدى الإعجاز العلمي
    مشاركات: 2
    آخر مشاركة: 12-22-2011, 07:20 PM
  2. جحا في زمان التغيير
    بواسطة bassim في المنتدى علمتني الحياة
    مشاركات: 0
    آخر مشاركة: 04-29-2010, 10:18 PM
  3. مصر ايام زمان
    بواسطة ehabaly في المنتدى منتدي الصور
    مشاركات: 8
    آخر مشاركة: 01-13-2010, 05:55 PM
  4. كان يا مكان --- كان فيه زمان !!!!!!!!
    بواسطة drbebo في المنتدى المحيط السياسي
    مشاركات: 1
    آخر مشاركة: 11-26-2009, 08:54 PM
  5. مشاركات: 0
    آخر مشاركة: 08-07-2009, 06:20 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •